QR Sıfrlyq damý, ınovasıalar jáne aeroǵarysh ónerkásibi mınıstri Jaslan Mádıev eldegi ınternet sapasyna óz baǵasyn berdi. Onyń aıtýynsha, Qazaqstanda ınternetti paıdalanatyn halyqtyń úlesi damyǵan elder deńgeıinde. Búgingi kúni búkil álemde Internetti tutynýdyń qarqyndy túrde óskeni baıqalady. Qazaqstanda 2020 jylǵa qaraǵanda trafıktiń ósýi 61,5 paıyzǵa, al abonentter sany 12,9 paıyzǵa ósken.

«Speedtest Ookla-nyń 2024-shi jylǵy sáýirdegi derekterine sáıkes, Qazaqstan 43,62 Mbıt/s ortasha ınternet jyldamdyǵymen 66-orynda (Reseı, Qyrǵyzstan jáne Ózbekstanǵa qaraǵanda joǵary)» – deıdi ol.

"Men Tokıonyń jyldamdyǵyn ólshegen emespin. Maǵan eń mańyzdysy — Qazaqstandaǵy ınternettiń jaqsy bolýy. Sol úshin jumys isteımin", — dedi mınıstr.

Tilshiler vedomstvo basshysynan eldegi ınternettiń qazirgi jyldamdyǵyna qandaı baǵa beretinin surady.

"Internet sapasy jaqsy jerler de bar, ortasha jerler de bar. Sapasy tómen jerlerdi tekseremiz de, jaqsartý úshin jumys isteımiz", — deıdi mınıstr. 

Sondaı-aq, "Internet sapasyna kóńilińiz tola ma?" degen suraqqa da mınıstr:

"Nazarǵa alyp, jumys isteımiz, biraz másele bar" dep jaýap berdi.